PRoMete

PRoMete - Uçan Oğlan (İnstrumental)

2011-05-15T14:06:00.002+05:00

PRoMete - Uçan oğlan İnstrumental (Yüklə)

Xoşbəxtlik və işgüzarlıq.

2011-05-14T11:31:00.002+05:00

Əvvəlcə yaxşı yaşamaq üçün iş axtarırdıq... İş tapılandan sonra, xoşbəxtlik üçün işin lazımlı olduğunu anladıq. daha çox işləməyə başladıq ki, daha çox xoşbəxt olaq. sonra özümüzü də unutduq xoşbəxtliyi də. daha çox işlədik... sonra başa düşdük ki, işləyərək xoşbəxtliyi yaşamaq istədiyimiz adamlara vaxt ayırmadığımızdan onları itirmişik. onlar artıq bizim yanımızdan gediblər. özümüzü unutmaq üçün ən yaxşı yolun işləmək olduğunu düşünərək daha çox işlədik... sonda hiss etdik ki, işləmədən qala bilmirik. lap sonra isə bizim işimizlə xoşbəxt olduğumuz ortaya çıxdı. biz artıq bir iş makinasına çevrilmişdik. və bu bizi xoşbəxt edirdi...

PRoMete - Maraqlı (İnstrumental)

2011-05-11T12:25:00.001+05:00

PRoMete - Maraqlı İnstrumental (Yüklə)

PRoMete - Adsız Mahnı (İnstrumental)

2011-05-10T04:02:00.001+05:00

PRoMete - Adsız mahnı İnstrumental(Yüklə)

PRoMete - Sual (İnstrumental)

2011-05-09T12:15:00.000+05:00

PRoMete - Sual İnstrumental(Yüklə)

PRoMete - Sual (İnstrumental)

2011-05-06T11:05:00.002+05:00

Sual instrumental (yüklə)

PRoMete - 14 (İnstrumental)

2011-05-05T11:23:00.002+05:00

14 instrumental (yüklə)

PRoMete - İntro (İnstrumental)

2011-05-04T12:53:00.005+05:00

İntro instrumental (yüklə)

Mən bir şeyi anladım bu illər ərzində,

Çətin heçnə yox həyatda.

İstədiyim hər şeyi dişimlə-dırnağımla

Qopardım mən həyatdan.

Aça bildiyincə aç ürəyini

Və hisslərini tam rahatla.

Dünənlərdən daha yaxşı olmağa

Söz verir bizə sabahlar.

PRoMete - İntro (İnstrumental)

2011-05-04T12:53:00.003+05:00

İntro instrumental

Mən bir şeyi anladım bu illər ərzində,

Çətin heçnə yox həyatda.

İstədiyim hər şeyi dişimlə-dırnağımla

Qopardım mən həyatdan.

Aça bildiyincə aç ürəyini

Və hisslərini tam rahatla.

Dünənlərdən daha yaxşı olmağa

Söz verir bizə sabahlar.

Qısa Qapanma!

2010-11-28T16:55:00.002+04:00

Əla konsert, Sözlə izah edilə bilməyən təəssuratlara görə Qaraqana və bütün dinləyicilərimizə minnətdarlıq!

Azərbaycan Radiosunda(Biz Gələcəyik Verilişində)

2010-11-10T15:46:00.000+04:00

PRoMete Azərbaycan Radiosunda(Biz Gələcəyik Verilişində) by PRoMete

EYNŞTEYN

2010-11-09T23:28:00.002+04:00

QARAQAN SOLO KONSERT. 27 NOYABR.

2010-11-02T00:23:00.000+04:00

27 noyabr, saat 16:00-da Qaraqan “QISA QAPANMA” albomunun təqdimatı ilə “ELİTE” T/M, SOUND FACTORY-də solo lahiyəsiylə çıxış edəcək.

Biletləri “Əli və Nino” mağazalarında əldə edə bilərsiniz.

Solo Konsertə biletlər, yalnız “Əli və Nino” mağazalar şəbəkəsində satılır.

Konsertin rəsmi informasiya dəstəyi: “Əli və Nino” Mağazası.

Qiymət: 20 AZN, 25 AZN

Əlaqə telefonu: 055 847 6713

Ən Çətin Tənlik!

2010-10-31T03:57:00.006+05:00

...axşam X Y-dan istədiyini ala bilmədi. ona görə səhər yuxudan acıqlı oyandı. səhər Y X-ə yaxınlaşdı, amma X Y-i çox pis cavabla geri qaytardı. beləliklə, Y X-dən istədiyini ala bilmədi...

günorta X bütün olanları bir kənara qoyub, Y-ə olan sevgisinin əsas olduğu düşüncəsiylə ona istədiyini vermək fikrinə düşdü. amma bu dəfə X-in səhərki hərəkətinin təsirində olan Y onun verdiyini almadı.

beləliklə axşam düşdü və Y özünə qapanmaqda davam etdiyindən bu dəfə də X-in istədiyini ona vermədi. axşam X Y-dən istədiyini ala bilmədi. ona görə səhər yuxudan acıqlı oyandı...

qəribəsi budur ki, bu tənliyi hansı hissədən yazmağa başlasaydım eyni dövri proses alınacaqdı. və daha da qəribəsi budur ki, X+Y=SEVGİ-dir. daha daha qəribəsi budur ki X və Y-dən hansının yerinə qız hansının yerinə oğlan qoysaq heç nə dəyişməyəcək. Necə deyərlər, TOPLANANLARIN YERİN DƏYİŞDİKDƏ, CƏM DƏYİŞMİR!

Mən bu gün neqativəm!

2010-10-25T17:21:00.005+05:00

qoy gözlərindən qan gəlsin ağlamaqdan...

özünlə bacara bilməyəsən...

kimlərinsə gözünə də baxa bilməyəsən ki, birdən ağlamağını anlayarlar...

içinə qapanasan, için sənə dar gəlsin, amma qürurundan heç kimə heç nə bildirməyəsən də...

necə olduğunu unudub necə olmadığını düşünəsən...

sənə deyilən sözlər qulağını qıcıqlandırıb beyninə mıx kimi batsın...

sən də mıx kimi torpağın altına batasan...

PASLI MIX KİMİ!!!!!!!!!!!!!!!!!!!!!!!!!!!!!!!!!!!!!!!!!

O

2010-09-22T01:17:00.001+05:00

P.S. yazdığım bu yazı 3D filmlər kimidir. bu filmlərə xüsusi eynəksiz baxanda çox mənasız görünə bilər. əgər nə vaxtsa bundan əvvəl bu filmə baxmamısansa. yazdığım bu yazı da bu aşağıda qoyduğum musiqisiz oxunulsa elə bir effekt verəcək. ona görə dönə-dönə xahiş edirəm ki, bir neçə dəqiqə səbrinizi basıb, musiqinin yüklənməsini gözləyin! ondan sonra dinləyə-dinləyə oxuyun. sizi sevirəm!

MAHNI

sən Günəşə doğru gedirdin...

Günəş isə utancından getdikcə qızarırdı. səndən gizlənməyə çalışırdı. sükut pozulmuşdu... saçlarının arsından süzülən tər belindən axırdı. islaq qumda ayaq izlərin var idi. indi ayağını basdığın yer su idi. dənizin suyu...

bəlkə də bu dəniz deyil!? bəlkə də bu sənin bir hissəndir...

qumun üzərində su və sən. üçünüz birdən birə birləşmişdiniz. elə bil ki, həmişə belə olmuş kimi. bu birləşmə mənim dediyimin, məndən qabağ deyilmişlərin əyani sübutu idi:

İnsan özünü "O"nda tapır, bütün dünyanın "O"ndan ibarət olduğunu anlayır, bütün dünyanın "O"nda cəmləşdiyini başa düşür - havanın, dənizin, qumun, günəşin... lap elə bu şəkildəki kimi.

KİN10

2010-06-29T16:28:00.008+05:00

Bloqun yeni bölümü - kino top onluğu artıq aktivdir! Yuxarıda əsas keçidlərin arasında Kin10 keçidinə basaraq mənim tərtib etdiyim kino onluq siyahısına keçə bilərsiniz. İki şeyi nəzərinizə çatdırmaq istəyirəm. Siyahı yeni filmlərə baxdıqca yenilənəcək. Yəni bu siyahılara yeni filmlər əlavə oluncaq(baxdığım amma siyahıda olmayan filmləri tapıb siyahıya əlavə edəcəyəm). Və ən əsas vurğulamaq istədiyim şey budur ki, bu siyahılar tam olaraq mənim kino zövqümlə tərtib olunub və müzakirəyə ehtiyac duymuram. Ona görə də komment hissəsini bağlı saxlayıram.

Fikrimcə pis kino yoxdur. Nəzərə alsaq ki, bir kinoya nə qədər pul və vaxt sərf olunur onda başa düşmək çətin olmaz ki, istənilən filmdə kiçik də olsa bir mesaj var.

10-luq 1-dən 10-a doğru artan formada tərtib olunub. Yəni ən favorit filmlərim 10 rəqəmi altındadır.

Bloqda Yeniliklər

2010-06-25T16:53:00.006+05:00

Bloqda bəzi dəyişiklikər aparmaq fikrinə gəlmişəm. Bu gündən bloqda yutubda fəaliyyət göstərən havaodsutorpaqTV üçün guşə yerləşdirirəm.

Mən baxdığım filmləri 10 ballıq sistemlə ayırıram. Və sizə bu siyahını təqdim etmək fikrinə düşmüşəm. Beləki qıraqda həmin siyahını yerləşdirəcəm və onun hiperlinki sizə bu filmi yükləməyə izləməyə və ya onun haqqında oxumağa kömək edəcək.

Dəstək olan hər kəsə minnətdarlıq!

2010-06-18T11:34:00.003+05:00

AlterEgo (H.O.S.T Rock Band) Uralda keçiriləcək böyük rock festivala hazırlaşır. Bunun üçün sizin dəstəyinizə də ehtiyac duyulur. Belə ki qrupun orda iştirakı üçün siz aşağıdakı linkə tıklayıb açılan pəncərədə "Голосовать за группу" sözünün üzərinə basaraq çıxan pəncərəyə öz mail adressinizi yazmalısınız. Sonra isə info@uralfest.rumailindən gələn "URALFEST.RU: Подтверждение голосования" bildiriş mesajındakı "ссылку" sözünün üstündə tıklayaraq verdiyiniz səsi təsdiqləməlisiniz. Əvvəlcədən minnətdarlıq!

http://www.uralfest.ru/bands/index/AlterEgo_H_O_S_T

AlterEgo feat H.O.S.T – 40-cı qapı

2010-06-15T23:56:00.004+05:00

Mp3 versiyada yüklə

Yüksək keyfiyyətli Mp3 versiyada yüklə

Görək nə olur…

2010-06-12T14:40:00.001+05:00

3 illik ayrılıqdan sonra yenidən Gəncəyə gedirəm. Bu dəfə daha böyük heyyətlə. Birinci dəfə gedəndə, Gəncə, içində olduğum sıxıntılara rəğmən çox xoşuma gəlmişdi.

Bu gün Günəşi gördük…

2010-06-07T00:05:00.002+05:00

Bu gün Şamaxı ətrafında klipin çəkilişlərinin böyük hissəsini başa vurduq.

Klipin rejissoru Əsgər Rəhimov, operatoru Mətləb Yaqubov, meneceri isə Vüqar 124-dür.

Çəkiliş prosesi problemli başlayıb ümidverici bitdi…

Təşəkkürlər!

PHOTO by UKA

Eminem

2010-05-28T21:46:00.001+05:00

Eminem bu il növbəti albomunu buraxır. Mən isə bu albomu səbrsizliklə gözləyirəm!

1. Cold Wind Blows
2. Talkin’ 2 Myself feat. Kobe
3. On Fire
4. Won’t Back Down feat. Pink
5. W.T.P.
6. Going Through Changes
7. Not Afraid
8. Seduction
9. No Love feat. Lil Wayne
10.Space Bound
11. Cinderella Man
12. 25 to Life
13. So Bad
14. Almost Famous
15. Love the Way You Lie feat. Rihanna
16. You’re Never Over

Günəş Üfüqdə Görünməyə Başlayır…

2010-05-27T02:07:00.001+05:00

İyunun 15-i AlterEgo proyektinin ilk məhsulunu sizinlə bölüşəcəm. Həmin gün AlterEgo-nun Emil Ağayev tərəfindən aparılmış fotosessiyası, ilk sinql olaraq Qırxıncı Qapı və Qırxıncı qapı sinqlının klipi yerləşdirilmış RƏSMİ SAYT sizə təqdim olunacaq. Sinqlın yazılışları və klipin çəkilişləri İyunun 1-i başlanır. Qırxıncı Qapının musiqisi Mikaya, sözləri AiD və mənə məxsusdur. Bütün yazılış, miksinq və masterinq Vüsal Beat Pro tərəfindən ButaFilm prodakşnda aparılacaq. Klipin ideyası mənə rejissorluğu isə Əsgər Rəhimova aiddir. Saytın isə üzərində işlər artıq başlayıb və H.O.S.T networkun digər saytları kimi bu sayt da az-ya tərəfindən yığılır.

Necə deyərlər Günəş Üfüqdə Görünməyə Başlayır.

Foto: Little Prince

Axtarış

2010-05-19T02:25:00.001+05:00

Hal-hazırda Albomun adı ilə bağlı axtarışlardayam. İçimdə biraz qurdalanmalıyam…

Lili

2010-05-05T02:41:00.003+05:00

Lili,take another walk out of your fake world
please put all the drugs out of your hand
you'll see that you can breath without not back up
some much stuff you got to understand

for every step in any walk
any town of any thought
i'll be your guide

for every street of any scene
any place you've never been
i'll be your guide

lili,you know there's still a place for people like us
the same blood runs in every hand
you see its not the wings that makes the angel
just have to move the bats out of your head

for every step in any walk
any town of any thought
i'll be your guide

for every street of any scene
any place you've never been
i'll be your guide

lili,easy as a kiss we'll find an answer
put all your fears back in the shade
don't become a ghost without no colour
cause you're the best paint life ever made

Hər zaman üçün Kənan Doğulu!

2010-05-01T00:20:00.001+05:00

Ölməzlik zirvəsi

2010-04-30T23:58:00.004+05:00

bəlkə də elə də pis deyil...

2010-04-27T12:42:00.005+05:00

şillənin əks səda verərək yayılan şappıltısı, yerə qanla tüpürülmüş diş, göz altında göyərti və s. bu kimi zorakılıq hərəkətləri həmişə pis deyil. Məsələn inanmıram ki, bu mətni oxuyan xanımlardan kimsə küçədə gedərkən ona söz atan, sataşan oğlancığazın sifətinə açılan şillənin şappıltısını bəyənməsin. Yaxud elə bir adam tanımıram ki, qayda pozmuş və kiminsə kiminisə zədələmiş sürücünün yerə qanla dişini tüpürməsindən zövq almasın. Ya da "avtobus ata mülkümdür" münasibəti göstərərək sərnişinləri vecinə almayaraq, çəkilmiş siqaretin qarşılığında gözü altına göyərti almış sürücü obrazı hamı üçün xoşa gələn bir obraz olardı. və daha nələr, nələr )))))...

Amma o, məni sevmirdi!

2010-04-24T20:20:00.006+05:00

Nəyin düz nəyin səhv olduğunu unudalı çox olmuşdu. Bildiyi, əmin olduğu bir şey var idi ki, həyatında baş verən hadisələr səhvən baş verirdi. O, bu səhvin nə olduğunu anlamasa da... günbəgün əhvalı daha pis, halı isə dəyişkən olurdu. Sanki baş verənlər əlində deyildi. Elə bil ki, onu kimsə kənardan pultla idarə edirdi və o, bu idarənin ağuşundan qurtula bilmirdi. Həm də ona elə gəlirdi ki, düzgünü elə budur. Bir əhvalının öhdəsindən gələ bilmirsə, bütün münasibətləri və həyatını necə idarə edəcək. Ən yaxşısı elə kimsə idarə eləsin. Səhər dərsə gedəndə içindəki səsləri eşitməmək üçün qulaqlıqları taxardı. Vakuum qulaqlıqlıqların onu tək kənardakı səslərdən deyil həm də, içindəki səslərdən də uzaqlaşdıracağını düşünürdü. Amma musiqi zövqü onu özü ilə daha çox danışmağa məcbur edərdi. Bir də özünə gələrdi ki, məktəbdədir. Bütün dərslərdə əlləri parta üstündə, fikirləri isə bulud üstündə olardı. Kəlbətinlə söz alardılar ondan. Ən əsası isə o idi ki, bütün bu hallara baxmayaraq o müəllimlərin və sinif yoldaşlarının bütün söhbətlərini eşidir və yadda saxlayırdı. Bir də ki, dərslərə həmişə hazır idi. Ondan şikayəti olan müəllim yox idi. Sadəcə olaraq həyatının duzu yox idi. Ən dadlı yeməklərdə olduğu kimi...

Dərsləri oxumağının səbəbi beynini yormaq istəyi idi. İstəyirdi ki beyni mümkün qədər çox yorulsun və gecə yatağına leş düşüb yatsın ki, başqa heç nə haqda fikirləşməyə gücü qalmasın. O, əvəllər gecələrin vurğunu olduğu halda indi onları ən böyük düşməni sayırdı. Vaxt donurdu gecələr. Saniyəyə üç-dörd fikir gəlirdi ağlına. Bütün olanaları analiz etməyə daha çox vaxtı qalırdı. Telefon... telefon isə ən qəddar insanın düzəltdiyi zəhər saçan silaha dönürdü belə gecələrdə. Başqaları kimi yaşamadığını başa düşürdü. Displeydə işığın yanmasını, telefonun vibro motorunun işə düşüb çarpayısının qarşısındakı tabureti əsdirərək səsi balışına kimi ötürməsini istəyirdi. Hətta bu səsin qulağının pərdələrini darmadağın eləməsinə də razı idi. Təki mesaj gələydi...axı niyə mesaj gəlmirdi!?

Bu fikirlərdən uzaq olmaq üçün gündüzlər yatmağı da özünə qadağan eləmişdi. Özünə qarşı soyuqluğu kəşf edirdi gecələr... xəyanətlərin səbəbin tapırdı. Əslində bu sözün xəyanət yox, dəyişmək, əvəz eləmək sözü olduğunu özünə dəfələrlə təsdiqləyirdi. Axı ondan çoxdandı “gecənin bu vaxtı haradasan?”, “niyə gedib yatmırsan?”, “niyə dərslərini oxumursan?” sözlərini soruşan olmamışdı. Sanki elə bu səbəbdən günü-gündən bozarmağa başlayırdı. ƏVƏZ MAŞINIna dönürdü getdikcə. Bir şeyi bilirdi ki, iki nəfərin münasibətində biri o birinə münasibətlərdə yarımçıqdırsa ona bunun əksini rahatlıqla sübut edə bilər və qarşıdakı da susub əmin olduğu şeyin əksinin ona sübut olunmasına ürəyində gülər.

...

- Zibilə qalmış avtobus!

...

- Zəhləm gedir sizdən!

O bu sözləri avtobus qarajının ortasında, qaranlıqda avtobuslara deyirdi. Bu gün axşam axırıncı hazırlığını bitirib dərsdən çıxıb, evə getmək üçün avtobusa oturmuşdu. Bir də oyanmışdı ki, daha doğrusu oyatmışdılar ki, “ay bala, qarajdayıq düş get evinə.”

Qarajdan iki dayanacaqlıq məsafədə yaşayırdı, bu da təxminən 4 kilometr demək idi. Indi bu boyda yolu tək getməli idi. Amma onun hirslənib avtobuslara qışqırmasının səbəbi bu 4 kilometr yox, onun avtobusda yarım saat yatması idi. Gecə yarım saat da yatsa və qalxsaydı sonra gözünə yuxu getməzdi. Qəribədi, amma bu belədi. O nə eləyə bilərdi!? Bu cür idi onun həyatı, qəribəliklərlə dolu.

Söyməyin bir faydasının olmayacağını anlayaraq yola qoyuldu. Elə birinci addımı atan kimi ağlına bu fikir gəldi ki, “adamın bir axtaranı, “can” yazanı olar da... adam da bu yolu mesajlaşa-mesajlaşa qısaldar da...”. Elə bunu fikirləşirdi ki, mesaj gəldi. Bəli, ona mesaj gəlmişdi. O bu dəqiqə dünyanın ən xoşbəxt adamı idi. Afrikanın sonsuz səhralarında su tapmış insanlardan daha xoşbəxt idi. Ona gələn hər mesajın onu bu dərəcədə xoşbəxt edəcəyi qədər bərbad həyat yaşadığını düşünməmək üçün əlini cibinə saldı. Mesaj Aidədən idi... Aidədən!? Aidə ona axırıncı mesajı iki il əvvəl yazmışdı. Onlar ayrılanda – doqquzuncu sinifdə.

- “Javad, man basha dushuram ki,bu da sahv harakatlarimdan biri ola bilar. Ama man sanin hayatindan chixmagla en boyuk sahvimi elamisham. Na deyajaksansa de, ama mani bagishla! Esas mani bagishla. Geri donmayima ijaza vermasan da. ”

...

- “Shafa, biz ayrilmaliyig. ”

- “Ayrilmaliyigsa ayrilag da...”

- “Duz deyirsan onsuz da biz demak olar ki, bir yerda deyildik. Elvida!”

...

- “Aida, hech na dema! San onsuz da hech bir yana getmamishdin. Man sani avvalki qadar seviram!”

...

- Mənsur, dünən gecə həyatımda çeviriliş olub... – neçə illik dostu Mənsur Cavadın sözünü yarımçıq kəsdi.

- EEE Cavad, yenə gecə yatmamısan?!

- Mənsur, Aidə yazmışdı. Barışdıq. İki il keçibe söhbətin üstündən. – danışanda həyacandan ağzının köpükləndiyini və nəfəsinin çatmadığını hiss edirdi. – qayıtdı. Başa düşürsən bu nə deməkdi?

- Cavad, bəs Şəfa? Axı mən bilirəm ki, sən onunla oynamırdın. Bəs... – bu dəfə Cavad Mənsurun sözünü ağzında qoydu

- Amma o, məni sevmirdi!

Elə bil həyatının pultunun sahibi olan adam, bu pultu əlindən salıb sındırmışdı. İndi onu idarə edən yox idi. Daha gecələr də əvvəlki kimi uzun və yorucu keçmirdi.

Ona mesaj gəldi:

- “Javad, man getdim yatmaga. San da gej qalma. Tez get eva yat. Seviram sani! =)”

- “Man da sani seviram jan. Gejan xeyra qalsin. Rahat yat! Artig evdayam ;)”

Ayxana təşəkkürlər.

2010-04-18T23:26:00.001+05:00

Fəlsəfə - Hər şey seçimdən başlandı !..

2010-04-10T11:30:00.007+05:00

Hər bir insan yaşadığı illər boyu özü üçün müəyyən fəlsəfə formalaşdırır. Məndə də yaşadığım illər boyu formalaşan həyat fəlsəfəsi var. Və mənimçün həyat YOL-dur. Belə ki, yaşadığım həyatım mənim yolumdur. Hədəfi - yəni, sonu olan bir yol. Bu yolda mənə qoşulanlar, məndən ayrılanlar, iz qoyanlar, yarı yolda dayananlar və s. şəxslər var. Və mənim fəlsəfəmə görə yaşadığım həyatda itki yoxdur. Belə ki, yoluma (həyatıma) girib yolumdan çıxanlar öz seçimlərini edirlər. Dolayı yolla desək məni itirir və ya qazanırlar. Baxışlarıma görə çoxdan heç kimə hesabat verməməyə öyrəşdiyimə görə həyat yolumu düz xəttli adlandıra bilərəm. Həyat fəlsəfəmin mətnlərimə də toxunduğu anlar az olmayıb. Onlardan bir neçə nümunə aşağıdadır:

"Əlvida" trekindəki sözlərim...

Yol, uzun bir yol.

Ömrüm davamlı addımlardı
Mənimə hakim kəsilmiş aritmiya
Ritmi pozan yoluma girənlərdi,
Yolumdan çıxanlardı.
Dünəni unutmaq adət halına çevrilib
Xronika amneziya
Hər addım yeni yol yoldaşıyla müşayiət.
Dünən dost olan bugün artıq mənimlə addımlamır,
Dünənim bugünümə etmir sirayət,
Deməli azadam, qaranquş tək,
Rahatam, yoxdu dostum.
Öz yolumda tərk olunmuş tək
Dünən bir sevgilim var idi,
Bir az yoruldu,
Oturduuu,oturduuum.
Ritm pozuldu.
Aldım qucağıma,
Razı olmadı.
Dedi burax get!
Tərk etdim!
O rahat, mən azad.
Bir neçə ümid də basdırıldı həmin gün.
Amma çox tez unuduldu.
Qulağın məndə olsun!
Bu dəqiqə sənsən dostum.
Zamanı dondur bacarsan,
Qoy hər şey donsun,
Ümidlər doğrulsun!
Günəş sönsün!
Qaranlıq! Boş masa
Üstündə bir şam.
Əldə məktub!
3-cə kəlmə yazılı:
GÖZLƏMƏ! BAĞIŞLA! ƏLVİDA!

"O dönəcək" trekindəki sözlərim:

Tərk etdiyin o yerdə tək
Hər gün eyni ümidlə gözləyərək.
O dönəcək

Səni məndən ayırsaydı ölüm bəlkə belə çətin olmazdı.
Hər gün səni fikirləşməzdim, daha rahat olardı içim.
Ağlayardım hər gün biraz, gözüm arxanca qalmazdı.
Şəkillərinə baxardım, qədər ilə razılaşmazdım.
Bir gün ya mətbəx bıçağı, ya da ülgüc dost olardı damarlara.
Bu tərəflərdə səndən ayrı qalmazdım. Amma nə yazəı ki, yazı başqa
Sağsan və məndən ayrı.ona gğre başqa fikirlər fırlanır başda.
Səni öldürmək hissi keçir içimdən. Buna görə, günəshim, məni bağışla.
Sənə yönləndirdiyim cavabsız çağırışlardır yəqin işlərivin tərs getməsinin tək səbəbi.
Qarşısın ala bilmirəm artıq artan əsəbin. Mən nə deyim ki, xoşuva gəlim?
Deyim ki, "Səni artıq sevmirəm", özümə yalan danışa bilmirəm, bunu məndən yaxşı bilirsən.
Yoxsa deyim "Səni dəlilər kimi sevirəm"? Yox! Səni səndən çox sevəcək qədər ağıllıyam

Bunu bilirsən.
Ya da mobil telefon, hələ de adıvın sonunda "m" hərfi durur.
Sadəcə mesaj yazacaq qədər mənlik balansımda yoxdu qürur.
Tüpürmüşəm zamanla əlaqəli bütün aforizmlərə, "Zaman unutdurur" kimi boş sözlərə.
Ya da ki, "Sevgilinə görə, sevgiyə görə çalışmaq lazımdı" kimi xoş sözlərə.
Şablonlardan uzaqlaşmışdım sənin nə olduğunu dərk edəndə.
Ya da ki, hamıdan fərqli,"Sən get, mən otururam" deyib məni tərk edəndə.
Sənin deyərək-gülərək keçirdiyin günlərdə mən hələ də "Necəsən?" soruşanlara cavabda deyirəm "Belə dəə".

"Sərhədlər var" trekindəki sözlərim:

Boş daxmaların qıfıllarınnan

Araba düzəldib yola çıxdım

Xoş anamın sığallarınnan

Ayrılıb yollarda yoxa çıxdım

Arzular çox böyük amma

Dünyada sərhədlər var

Doydurublar bizi şirin yalanla

Acı acı gerçəklar var

Arzular çox böyük amma

Dünyada sərhədlər var

Doydurublar bizi şirin yalanla

Acı acı gerçəklar var

Mən özümü itirdim bu yollarda

Məni tapın anama verin mənimi

Deyin özü də gələcəy

Sərhədləri silərəy

Əsən hər küləy

Gətirəcəy lələy

bəzən sussam daha yaxşıdır...

2010-04-05T04:40:00.004+05:00

bəzən bir şəkil mənim böyük bir mətni yazmama səbəb olur. Bəzən isə uzun-uzun susmağıma.
Lap elə bu şəkillər kimi...

Sən varsan!

2010-04-05T03:58:00.002+05:00

Addımlar məni uzaqlaşdırırdı. Hər yerə basılan pəncənin necə ağır və silinməz olduğunu bütün cismim və ruhunla hiss edirdim. Ağlayırdım. Qara kapişonun altına gizlənib ağlayırdım. And içirəm ki məni heç kim başa düşmürdü. Axı necə də başa bilərdi? Axı mən heç özüm özümü tanımırdım ki özümü başa düşəm. O ki qalmışdı məni tanıyanlar... Gedirdim arxama baxmadan və arxama baxmağa qorxaraq. Şübhələr və sualları qalaqlayaraq gedirdim. Qaranlığa. Ruhumu təslim etməyə. Və həm də bilə bilə. Və birdən Sən yenə doğdun! Həyatıma doğdun!!!

GERİYƏ SAYIM BAŞLANDI!

2010-03-29T02:51:00.003+05:00

AlterEgo - intro - 2011

sadəcə

2010-03-28T14:33:00.001+05:00

Mən onun albomunun təsiri altındayam

2010-03-25T22:20:00.002+04:00

Əziz oxucum, sənə burda bir dəfədə yalan danışmadığımı bilirsən. Mən QARADA QIRMIZI abomunda dolduğum hisslərlə yenə də doluyam! Martın 23-ü AiD mənə zəng edib "Gəl alboma qulaq as" dedi. Getdim... Oxudu... Bütün tracklara qulaq asandan sonra "vvvvvvvvvoooooooouuuuu" dedim. Bu qədər güclü alboma çoxdandır ki, qulaq asmamışdım. Həddindən artıq emosiya ilə doldum... Mən bu alboma hazıram. Mən indidən onun albomunun təsiri altındayam...

Məni böyüdən və güclənidirən himn!

2010-03-25T00:25:00.004+04:00

Məni böyüdən və güclənidirən himn!

Elmir(Dəyirman) - Ürəyini buz kimi saxla...

Çələng

2010-03-22T02:28:00.005+04:00

Bir gün bir filmə baxandan sonra çələng düzəltmək qərarına gəldim. İlk olaraq hansı güldən düzəldəcəyimə qərar verməli idim. Ona görə də gəzib gül axtarmağa başladım. Ilk rast gəldiyim gül İNSAN oldu. Amma biraz kobud gül kimi gəldi mənə. Aramağa - daha nəcib növünü axtarmağa başladım. Soruşdum dedilər ki, ən incə növü QADIN adlanır. Bir müddət müşahidə eləməyə başladım. Gördüm ki, doğrudan da çox nəcib bir gül növüdür. Özüm də birini əkmək qərarına gəldim. Toxumunu götürüb baxdım çox incə çiçəyi olacağına söz verirdi sanki. Ətri də elə indidən adamı valeh edirdi. Ona görə də onu ən münbit torpağa əkmək qərarına gəldim. Axtarıb ən münbit torpağı ürəyimdə tapdım. Onu ora basdırdım. Ümidlərim öldüyü yerə... cücərməyə başladı. Hər baxışımda necə gözəl olduğunu dedim ona – etiraz etdi ondan daha gözəlləri olduğunu dedi. Güldüm... Başa düşmədiyimdən gülürdum. Ətri yaşamağa güc verirdi. Bir gün iyləməyi qadağan etdi. Yenə güldum... xoş sözlərimə xoş gülüşlə cavab verirdi. Hər güləndə rəngi al olurdu. Tayı bərabəri olmurdu güləndə. Gündən günə daha çox sevirdim al rəngli qızıl gülümü. O mənim içimi Günəş Yeri işıqlandırdığından daha parlaq işıqla işıqlandırırdı. Və bir gün səhər ürəyimdə çox pis ağrı ilə oyandım. Ürəyimin torpağına əkdiyim qızıl gül tikan çıxarmışdı. Və bu tikanı düz mənim ürəyimə batırırdı. Yazıq-yazıq niyə belə elədiyini soruşdum? Mənə “belə lazımdır” dedi. Ürəyim qan axıtmağa başladı. Tikanların sayı isə günü gündən artırdı. Bir iki tikanı qırmağa cəhd elədim. Amma faydasız oldu. Belə ki, hər qırdığım tikanın yerinə ikisi çıxdı. Və daha dərin batmağa başladı. Odur ki, daha tikanı qırmamağ və gülə toxunmamaq qərarına gəldim. Və buna görə də çələng hörmək qərarından da vaz keçdim. Sadəcə gözləyirəm ki, qızıl gülüm ya tikanlarını özü yığışdırsın ya da batırdığı tikanlar ürəyimin divarlarını cıra-cıra axırıncı damla qanına kimi axıtsın və mən ürəksiz qalım. Onda da beynimin torpağına əkdiyim NOT toxumlarından MUSİQİ gülləri becərib, HƏRİF toxumlarından cücərən SÖZ çiçəkləri ilə calağ etməkdən başqa çarəm qalmayacaq. Amma bir neçə ildən sonra Qızılgülü kökündən qoparıb atmaqdansa, Ürəksiz olmağı seçirəm... Amma qızıl güllər də bir gün solur! Axı onlar sevgiylə daha da gözəl olur!

Pərviz Məmmədrzayevə məni bu yazıya ilhamlandırdığına görə təşəkkürümü bildirirəm!

Günəşə sevgiylə!

Məlumat #2

2010-03-19T22:44:00.006+04:00

Rekviem bitdi. H.O.S.T yenə də uğurlu bir günü geridə qoydu. Konsertdan sonra dərhal albom işləri və məşq prosesləri başlandı.

AlterEgo H.O.S.T artıq aşağıdakı mahnıları tam hazırlayıb:

1. İntro(Bəstə: Mika)
2. Sual(Bəstə: PRoMete)
3. Darıxan Mələklər(Bəstə: PRoMete)
4. Damcı(Bəstə: UnChained)
5. Xəritə(Bəstə:Mc Virus)

Gördünüz loqo isə AlterEgo H.O.S.T-un rəsmi loqosudur. Bu loqo Samir Sadıxov tərəfindən hazırlanmışdır.

PooRich tərəfindən tutulmuş an

2010-03-18T11:06:00.001+04:00

ONLAR BUNU BİLMİR!!!

2010-03-16T11:10:00.004+04:00

…və onlar bunu bilmədiklərini bilmirlər

Bilmirlər ki, onlar bizə yalnız onlarsız yaşaya bilmədiyimiz üçün lazımdırlar…

Bilmirlər ki, biz sevgisiz yaşaya bilmirik… bilmirlər ki, bəzən sevgi bizi yaşadır və bilmirlər ki, bəzən bir neçə dəfə eyni adama vurula bilirik… bilmirlər ki, biz unutqanıq… bilmirlər ki, onları etdiyi “dünya boyda” səhvlərə görə bağışlamırıq… çünki buna ehtiyac da qalmır. axı onların bizə olan aqressiya və kinini biza onlara saxlamırıq… və onlar bunu bilmirlər… bilmirlər ki, bizim haqqımızda danışılan kimi “qalın gönlü” deyilik… bəlkə də bilirlər ki, onlar kimi duş gelindən istifadə edib incə dəri gəzdirmirik… amma bilmirlər ki, ən sehirli gel belə onların dərisini bizim hisslərimiz qədər incə və qəlbimiz qədər kövrək edə bilməyəcək… axı onlar heç vaxt yatanda, özünə günlük hesabat verəndə “mən bu gün…”ün əvəzinə “biz bu gün…” fikirləşə bilmirlər… bilmirlər ki, biz niyə futbolu sevirik, biz niyə oyunları sevirik, kinoları sevirik, musiqini sevirik… heç vaxt da bilməyəcəklər… axı necə bilsinlər… axı onlar qadınlardırlar… axı onların bizim kimi dəli kimi sevməyə heç kimi yoxdur… çünki onlar ancaq ağılla sevə bilirlər… uşaqlıqda xarab etdiyim atamın sevimli kalkulyatoru rəqəmləri sevən kimi… kalkulyator irrasional ədədləri də 8-lik displeyə sığışdırırdı mən də buna gülürdüm… Dostum, axı biz bunları bilirik… AXI BİZ BİLİRİK Kİ, SEVGİNİN FORMULU YOXDUR!!!

Onlarsa bunu bilmirlər…

Onlar bizi bilmirlər…

Vüsal BeatPro və Mən AiDin Albom yazılışları zamanı

2010-03-02T14:25:00.002+04:00

AlterEgo H.O.S.T

2010-02-22T15:33:00.011+04:00

Bildiyiniz kimi, biz H.O.S.T olaraq zaman keçdikcə, imkan daxilində daha keyfiyyətli məhsullara imza atırıq. Bu, həyat tərzimizin göstəricisi olan H.O.S.T geyimlərində də, buraxılan kitablarda da, ən əsası isə musiqilərimizdə özünü büruzə verir. Xatırlayırsınızsa, biz görüşlərdə sizə 2009, 2010 və 2011-ci illərin Solo Albom illəri olacağı barəsində danışmışdıq. Və 2009-cu ildə Qaraqanın "Qısa Qapanma" adlı solo albomunun buraxılışından sonra dərhal AiDin Solo Albomunun üzərində işlər başlandı. Hal-hazırda albomun 80%-i söz və musiqi cəhətdən hazırdır. Studiya yazılışlarına gəldikdə isə onlar qarşıdakı "Rekviem" adlı solo konsertimizin işləri ilə əlaqəli dayandırılmışdır və konsertdən bir həftə sonra tam sürətlə yenə də işə başlanacaq. AiDin solo albomunda Ayka, Güla, Qaraqan, həmçinin mənim də səsimi eşidə biləcəksiniz. Albomun əksər beatləri xarici(alman, isveçrəli, amerikan) bəstəçilərdən, bir neçəsi isə Vüsal BeatPro, Bandit Beats və məndən olacaq.
Mənim solo albomuma gəldikdə isə, bildiyiniz kimi bu, rock albom olacaq. Albomun hazırlıqlarına hələ 1il bundan əvvəl başlamışdım. Belə ki, albomun rock parçalarını yazmaq üçün instrumental qrup toplamağa başladım. Uzun axtarışlardan sonra 2009-cu il sentyabrın 27-si qrup bütün heyyətlə toplandı və ilk məşq keçirildi. Bir neçə ay çəkən məşqlərdən sonra qrupun adını da AlterEgo H.O.S.T qoyduq. Qrupun heyyətini sizə bildirirəm:

Bass Gitar - Firuz Salamzadə
Drums - DrumX(Dramiks)
Piano - Turan Ramazanlı
Ritm Gitar - Mika
Elektro Gitar - UnChained(Ançeynd)
Vokal - PRoMete

Sentyabrdan bəri gedən məşqlərdən sonra məşqləri bitmiş 5 mahnının yazılış mərhələsinə başladıq. Yazılışlar Promix studiyasında aparılır. Sözü gedən parçaları 2011-də çıxacaq albomda dinləyə biləcəksiniz. Amma bununla bərabər bir neçə sinql işləyirik ki, onları da bu yaxınlarda qrupun loqosu və fotosessiyası ilə birlikdə sizə təqdim edəcəyik. Sinqllar aşağıda adları çəkilən tracklar olacaq:

1. Mahnılar bilir kimə yazılır
2. İnanma! (yeni versiyada)
3. Labirint (yeni versiyada)
4. Sərhədlər var!(yeni versiyada)
5. Zülmət Ordusu
6. Qurtul (yeni versiyada)
7. Qara-Qura (məşq sessiyası)
8. H.O.S.Tu Qovun! (yeni versiyada)
9. Californication (cover)

Və son olaraq onu da qeyd etmək istəyirəm ki, AlterEgo H.O.S.T bütünlüklə H.O.S.T prodakşnın məhsuludur!

Salam Balaca

2010-02-19T15:26:00.003+04:00

Salam Balaca. Sən bu məktubu oxuyanda mən yəqin ki çox uzaqda olacam. Bəlkə də məni getdiyimə görə günahlandıracaqsan. Amma mən sənin fikirlərindəki qədər günahkar deyiləm və bunu sənə sübüt eləməkçün bir cümlə də yazmayacam. Çünki özüm bundan əminəm və bu mənim üçün yetərlidir. 25 yaşıma kimi kimlərisə xoşbəxt etmək üçün yaşayırdım. Uşaqlıqdan atam mənə sən oxuyub instituta girməlisən deyirdi həmişə. Mən də əla qiymətlərlə oxuyub instituta girmişdim. sonra universitetdə oxuya-oxuya işə düzəldim. Hər şey çox yaxşı gedirdi. elə axıra kimi də belə oldu. mən heç vaxt şikayət eləməyi sevməmişəm. Anan - Mənim Şahzadəm, də mənim sevgimə hər zaman sonsuz qarşılıq verib. Onun mənə verdiyi gücü bu həyatda heç kim, heç kimə verməyib bəlkə də... Dostlarım hamısı səni çox istəyir. Çalış heç vaxt heç kimə ehtiyacın olmasın! Ehtiyacı olanlara da kömək etməyi mümkün qədər özünə vəzifə bil. Çünki kömək münbit torpağa atılmış buğda kimidi. Sənə bircə dənə tapşırığım var. Anandan muğayat ol... Eh oğul bala, kaş ki sənə səninçün darıxacağımı yaza biləydim. Amma heyif ki bu mümkün olan iş deyil. Mən hər ay bu məktubu təzələyirdim. Əgər bu ay ölməsəydim gələn ay təzədən yazacaqdım... Özündən muğayat ol! Şikayət etmə və həyatında baş verənlərə görə heç kəsi gunahlandırma! Sağol Balaca! Əlvida!

Allah Maykla Rəhmət Etsin!

2010-01-30T10:57:00.001+04:00

Qar.

2010-01-26T15:49:00.002+04:00

Mənim fikrimcə qar uca varlığın insana bəxş etdiyi möcüzələrdən biridir. Onun kimyəvi tərkibi, ya da 6 bucaqlı hər birində ayrı quruluşu olan dənələri haqqında danışmaq fikrim yoxdur. Mən onun verdiyi əhvaldan danışmaq istəyirəm. Daha doğrusu mənə verdiyi əhvaldan...
Gecə qarın yağdığını görüb kəskin şaxta olmağına baxmayaraq çıxıb saat 3də həyətin kənarından keçən maşın yolunun ortası ilə gəzdim. Aradabir geri çevrilib qarda qalan ayaq izlərimə baxıb, sərt şaxtalı havanı ciyərimə çəkib şəhərin boşluğundan ləzzət alırdım. Qulağımda iri qulaqlıqlar və Qaraqanın "QAR"ı var idi...

Xoşbəxtlik formulu

2010-01-07T16:04:00.003+04:00

Mənim bildiyim qədərilə insan həyatı bir neçə mərhələyə bölünür:
1. valideynlərin himayəsində keçən uşaqlıq illəri
2. müəllimlərin himayəsində keçən məktəb illəri
3. öz himayəmizdə keçən universitet illəri və ya universitetə qəbul ola bilməyən oğlanların əskərlik illəri, qızların isə ərə getmək ərəfəsi :)
4. evlilik – ailə qurmaq illəri
5. uşaqların dunyaya gəlməsi, valideynlik qayğıları və sair və ilaxır...

necə asandır deyilmi? oturdum, yazmağa başladım və sadalaya sadalaya gedirəm. Yaxşı bəs sadaladığım bu mərhələlərdə bizə lazım olan nələr var birdə onlara baxaq

1-də qayğı
2-də qayğı
3-də savad bazası, vaxt, pul
4-də pul
5-də pul...

Sözsüz ki, bu sıralama da daha çox dünyəvi ehtiyaclar olduğuna görə səbr, dini biliklər mənəvi ehtiyaclardan bura heç nəyi daxil etməmişəm. Kimsə fikirləşə bilər ki, dediklərimi bura qatmamağla siyahının dəqiqliyinə xələl gətirmişəm. Amma əmin olun ki bu belə deyil. Biz dünya həyatına o qədər bağlanmışıq ki, əvvələr düzlüyündən əmin olduğumuz şeylərə indi şübhə ilə yanaşırıq. Mən bundan əminəm ki birazdan sevmək də sevilməkdə vərdiş halına keçəcək. Şablonlar, Çərçivələr bizi boğmağa davam edir. Bizim sayımız günü gündən azalır.

İndi bizə xoşbəxt olmaq üçün çoxlu pul lazımdı. Hamının geyindiyi kimi geyinmiyib hamının yaşadığı kimi yaşamıyıb özümüz kimi ola bilmək üçün bəs edəcək qədər pul. Hamımıza bu lazımdı. Bəs hamımızda bu olandan sonra nə lazım olacaq görəsən? Axı onda da hamımız hamı kimi xoşbəxt olacayıq. bundan sıxılmayacayıqmı?

Sizi bilmirəm mənə arxasında gizləndiyim qələm, vərəq, notlar, isti paltar, yerləşə biləcəyim ev, dostlarımın “necəsən”i, bir də sevgilimin “sevirəm”i xoşbəxtlik üçün bəs edən amillərdir. Bəlkə də hansısa xırda şeyləri yaddan çıxarmışam. Amma doğrudan da mənə xoşbəxt olmaq üçün elə də çox şey lazım deyil.

Bəs siz nə axtarırsız?

Yazın! Bəlkə birlikdə daha tez tapdıq xoşbəxtliyi!?

Bir də səhifələ! Bəlkə yanılırsan?!

2009-12-01T02:35:00.004+04:00

Səhər duranda birinci işin telefona baxmaqdır? Bu hamının birinci işidir. Telefon hamı üçün var. Amma mənimçün telefon yoxdur! telefonun o biri tərəfində mesaj yazan barmaqlar var. yaratdığı səsə heyran olduğum dodaqlar var, içinə baxanda dizlərimi əsdirən gözlər var. Səndə də belədir?

Sənin də hamı kimi burnun var. Sən də hamı kimi onunla nəfəs alırsan! Amma mən o burunu onunçün yaşamaqda mənə kömək edən vasitə kimi istifadə edirəm! Çünki az-az görüşəndə onun ətrini içimə çəkməyə kömək edən tək vasitədir bu burun. Səndə də belədir?

Yoxsa sən də onu yer üzərinə enerji və işıq verən tək Günəşə bənzədirsən?

Yoxsa sən də onun üçün həyatının məcrasını həm də çılğın məcrasını 180 dərəcə dəyişməyə hazırsan ya da artıq dəyişmisən?!

Dost, bunların heç biri səndə yoxdur?!

Həyatını bir də səhifələ dost! Bəlkə yanılırsan?! Bəlkə Heç sevmirsən!?

Yox eləmişəm bunların hamısın! bütün dediklərini eləmişəm! Amma elə bilki nəisə...

SAXLAAAAAAAAAAAAAAAAAAAAAAAAAA!!!

Tüpürüm sənə də, sənin sevginə də. Nəisələrdən çürümüş sevginə.

Gripin - Böyle Kahpedir Dünya
by barrlass

New Moon. Saga

2009-11-29T23:31:00.008+04:00

Bu gün bu filmə baxmağa getmişdim Azərbaycan Kinoteatrına. Əvvəlcə ondan başlayım ki, bir daha bizim insanların növbədə dayana bilmədiklərini özümə sübut elədim. Belə ki, film çox baxımlı olduğundan seanslara bilet almaq üçün növbə yaranmışdı. Əlbəttə ki özünü zərif cinsin nümayəndəsi hesab edib, söyüş və danlaq yiyəsi olmaqdan qorxmayan bəzi qızlar, AiD'in təbirincə desək "Ağzı Əyilmiş Oğlanların" düşkünlüyündən istifadə edərək növbədənkənar qabağ sıralara girirdilər. Nəisə bir təhər mən də bilet aldım. Axşam seansa getdim(Tək deyildim).

Düzünü desəm filmi bəyəndim. Amma məndə suallar yarandı. Biz niyə sadə münasibətləri göstərmək üçün insanları vampirə döndəririk. Sözsüz ki, mən Stephenie Meyerin yaradıcılığına qarşı heç bir şəxsi qərəzlik aparmıram. Mənim işim ümümən insanlarladı. Sevgi mənim yaralı yerim olduğuna görə işin böyüdüldüyünü görəndə bir təhər oluram. Yenə də yazarın oxucuya məsləhəti kimi bir məsləhtim var sənə Əziz oxucum. Bu həyatda nə vampir var, nə də qurd adam. Bu həyatda sevgi var. O sevgi ki, səni də, məni də ayaqda saxlayır. Odur ki, Əgər hələ yaşamaqdan bezməmisənsə onda SEV!

Fərqli insan

2009-11-28T23:17:00.008+04:00

…

Bəli üç nöqtə - hansı ki, istənilən fikrin sonuna qoyulsa fikri daha dərin edir.

Bezmişəm, hamınızdan bezmişəm! Axı istədiyim – istədiyimiz bu deyildi.

Biz axı belə olmaq istəmirdik. Başlayanda hamıdan fərqli idik.

Insan olmadığımızı və ya hamı kimi insanlardan olmadığımızı dərk edərək başlamışdıq.

Amma indi hamı kimiləşmə prosesini dayandıra bilmirik.

Gücüm tükənib hiss eliyirəm.

Ya da kimsə məni nəyisə vəd etdiyimi verməməkdə günahlandırdığı üçün özümü günahkar hiss eliyirəm.

Özüm:

- hər şeyi niyə bu qədər çətinləşdirirsən?

Özümə:

- mən hər şeyi asanlaşdırmağa çalışıram əslində.

Özüm:

- çox danışırsan!

Özümə:

- amma başqa bir şey bacarmıram, hələ ki.

Özüm:

- dünyanı dəyişməyə çalışırsan?

Özümə:

- ... !

Özüm:

- Bu mümkün deyil!

Özümə:

- Amma dünyamı dəyişə bilərəm.

Sən mənə özüm qədər yaxınsan

2009-11-28T23:09:00.004+04:00

Gözlərini hər dəfə məndən niyə gizlədiyini hələ indiyə kimi başa düşə bilmirəm. Yəqin ki, heç vaxt başa düşməyəcəm də.

İlk dəfə əlindən tutmağım indiki kimi yadımdadır. əlin sanki buz parçası idi. Hərədə bir cür olur. Kiminsə sevəndə həyəcandan əli tərləyir, kiminsə sevgidən bədəni buza dönür. Lap elə sevib şer yazmaqla, sevib dili tutulub bir kəlmə belə deyə bilməmək kimi. Lap elə sevib dünyanı xilas eləməyə şövqlənməklə, sevib zamanın gözlərin önündə necə qanadlanıb uçduğunu görə-görə iflic olmuş kimi donub hərəkətsiz qalmaq kimi. Lap elə mənim indi bu mətni yazmağımla, sənin evdə oturub heç nə eləmədən məni gözləmən kimi.

Bilirsən səni ən çox nə vaxt sevmişdim?

Birinci dəfə biz bir yerdə dənizə gedəndə...

Yox, bəlkə də daha çox biz səninlə parkda gəzəndə sevmişdim...

Bəlkə də bir yerdə kompüter arxasinda oturanda...

Bəlkə də birlikdə kinoya baxanda...

Bəlkə də birlikdə musiqi dinləyəndə...

Bəlkə də sənə mahnı yazanda?!

Bilmirəm...

Bilmirəm... Artıq çaş-baş qalmışam. Sənə olan sevgim hər saniyə artır.

Mən səni sevirəm mənim TƏKLİYİM.

Kran

2009-11-28T22:59:00.003+04:00

İki gündü əməlli başlı yemək yeyə bilmirdi.

Həftə ortasında özünə göstərdiyi qayğı ona baha başa oturdu.

Ürəyiaçığlıq eliyib bir kilo ət almışdı. Axır vaxtlar işləri elə də pis getmədiyindən arada bir özünü bu formada buraxırdı - Ət...

tək idi və heç kimi görmək istəyi də yox idi. Rəfdən kulinariya kitabını götürüb sousun inqridientlərinə baxdı. Marağlı adlar var idi burda sarıkök, quru nanə.

- Quru nanə ha buna bax bir J. Mənim yadıma düşmür ki, mən axırıncı dəfə nə vaxt sarıköklü yemək yemişəm oki qalmışdı quru nanə. Quru nanə ha

Qərara gəldi ki burda belə məntiq işə salsın...

Və sous hazırdı.

Və damağa batan sümük.

- Vibilə qalafan. Vibiiiiiiil(bu dişlərin sıxarağ dediyi “zibilə qalasan zibiiiil” sözləri idi)

Qapı döyüldü. O mətbəx stoluna ilişərək qapıya tərəf getdi. Bu tərəfdən də ayağı mətbəx stoluna dəydiyindən ağrımağa başladı. Axsıya axsıya qapıya yaxınlaşdı və gözlükdən baxdı. Qapida bir qadın əlində də blaknot dayanmışdı. Ürəyində fikirləşdi:

Işıq puluna görə ola bilməz – onu vermişəm. Jek də ola bilməz onunla da haqq hesab bitib. Ya qaz puludu ya da yenə nəsə statistikadan zaddan. Bəlkə açmayım? Bəs stolun səsi? Nəisə.

- Buyurun. – dişlərini sıxa sıxa

- Qaz idarəsi iki aylıq borcunuz var.

- Iıııı - əli ilə yaz ver borcumu sözlərini işarə etdi. Hiss eliyirdi ki damağı qanayıb və ağrıdan danışa da bilmirdi. Və hadisələrin bu cur ardıcıllığı qaz pulu yığanı da tələsməyə vadar elədi. O tez borc qəbzini yazıb verdi və

- Iki gün ərzində ödəniş eləməsəniz xəttinizi bağlayacağıq.

- Hmm. – və qapını bağladı...

...

Zəng – displeydə yazı Məlahət.

- Hə Məlahət?

- Zahid, Gülşənin ayaqqabısı cırılıb.

- Yaxşı səhər alarıq.

Telefonu cibinə qoyub. Sayğaca baxdı 26cı otağınki budur. Və xətti bağladı

...

Qapını açıb evə girdi. Ac idi. İki gündü əməlli başlı yemək yeyə bilmirdi. Çimmək istəyirdi. Hamama keçdi. Su qızdırıcını yandırmaq üçün kibriti götürdü. qazı açdı. Geri dönüb hamamdan çıxıb, ayaqqabılarını geyinə geyinə deyindi:

- Zibilə qalasan. Bunu da kəsiblər. Uffff

Tez əynini geyindi. Və evdən çıxdı.

Banka girib borcu ödədi və çıxdı. Hava yaman soyumuşdu yoxsa gəzərdi.

- Yaxşısı budur evə gedim və yatım.

Evə çatan kimi telefonu götürüb 109-a zəng eliyib qaz idarəsinin nömrəsini öyrəndi. Və zəng elədi:

- Bakı şəhər qaz idarəsi buyurun.

- Salam xanım.

- Salam. Buyurun

- Xanım, - hər dəfə yeni söz tələffüz edəndə dili damağına dəyir və ağrıdırdı- mən bu gün qaza görə olan borcumu etmişəm amma hələ açılmıyıb. nə vaxta açılar?

- Xahiş edirəm ünvanı deyin

- Mətbuat prospekti 501-ci məhəllə bina 6 mənzil 26.

- Qeydə Aldıq. Sabah səhərdən açılacaq.

- Çox sağolun

- Buyurun.

...

Məlahət qaz idarəsində telefon operatoru işləyirdi. Zahidlə elə iş yerində tanış olmuşdular. 9 il idi ki evli idilər və bir qızları var idi.

Zəng – displeydə yazı Məlahət.

- Hə Məlahət?

- Zahid, Sabaha Mətbuat prospekti 501-ci məhəllə bina 6 mənzil 26-nın xəttini açarsan.

- Yaxşı.

Telefonu cibinə qoyub fikirləşdiki indi 501-ci məhəllədədir. Indi gedib xətti açsa səhər biraz çox yatar. Yox! səhər qızına ayaqqabı almalıdı axı. Hə onda xüsusilə indi gedib açmaq məqsədə uyğundu.

Sayğaca baxdı 26cı otağınki budur. Və xətti açdı

...

Bayırdakı soyuğun təsirindən başı ağrıyırdı. Və uzandı. uzanan kimi yuxuya getdi. Bayaq evdən çıxanda su qızdırıcısındakı qaz kranını bağlamamışdı.

İki gündən sonra onu evdə qazdan boğulmuş tapdılar.

Açılmış cinayət işində isə “intihar” yazıldı.

Darıxmışdım sizin üçün!

2009-11-28T22:31:00.010+04:00

Salam Əziz Oxucum! Bu aralar biraz məşğul olduğum üçün sizə heç nə yaza bilmirdim.
Düzünü deyim yaman darıxırdım. İsveçrə səfəri gözlədiyimiz kimi uğurlu oldu. Əlimizə düşən qısa vaxt kəsiyində Fransa və Almaniyaya da keçdik. Hər şey deyilən kimi gözəl idi. Bircə şeydən başqa - insanlardan. Mən orda dərk etdim ki, mənə yazmaq-oxumaq-yaşamaq üçün Azərbaycandan yaxşı yer təklif edən tapılmayacaq. Çünki burdan yaxşı yer doğurdan da yoxdur! Sizin üçün də bu belədir. Mənə inanmırsınızsa yoxlayın. Gedin! Mən bir şeyi dəqiq bilirəm ki sizin üçün, buralar üçün çox darıxırdım.
Bu yazının ardınca köhnə yazılarımı yerləşdirirəm.
Hələlik Əziz Oxucum!

Musiqi və Mən (1-ci Hissə)

2009-11-13T00:35:00.010+04:00

Atamın uşaq vaxtı musiqiyə böyük həvəsi olubmuş. Gənc yaşlarında özünə bir kamança, bir də qarmon almışdı. Mən uşaqlıqda qarmonda əl və ayaqlarımın köməyi ilə "Cücələrim" mahnısın çalmağı öyrənmişdim. Ondan sonrasına hövsələ çatmamışdı :) özümü kamançada yoxlamaq qərarına gətirmişdi məni səbrim! Başlamışdım kamançada ciyildəməyə. Amma bu ciyiltilər də kamançanın en nazik teli qırılana kimi çəkmişdi. Kamançanı qabına qoyub şifonerin dərinliklərinə yola saldmışım. Elə musiqi öyrənmək istəyimi də. Hər dəfə atam muğama qulaq asanda sual verəndə ki bu hansı muğamdı deyərdi ki, gəl gedək sənə kamançada başa salım muğamları. Mən də hər vəchlə sohbəti dəyişib mövzunu yayındırardım ki, atam kamançaya əl atıb tellərdən birinin amansızcasına qırıldığını görməsin. Həm də ki, atam elə də güclü muğam bilicisi deyildi. Sadəcə yaxşı musiqi duyumu var idi, bu da heç bir musiqi savadına əsaslanmırdı.

İllər keçirdi. Mən bu keçən illərdə musiqiylə yalnız liseydə nəğmə dərsi keçən Teyyub müəllim vasitəsilə əlaqə saxlayırdım. Hətta indiyə kimi də yadımdadı ən sevdiyim iki-üç mahnı var idi. Ağ çiçəklər, Gəl ey Səhər və Ulu Torpaq mahnılarını hələ indidə əzbərdən bilirəm.

9cu sinifin sonlarında yazıldığım kompüter kurslarının nə vaxtsa məni musiqi ilə bağlayacağını kimsə desəydi belə inanmazdım!

11ci sinifdə repə olan marağım özünü vərəqlərdə büruzə verdi. Hər ay çıxan "Rep Yığma"larını aldığım Əhməd adlı satıcı ilə artıq dost olmuşdum. Hamıya 5000 manata satdığı kassetləri mənə 4000 manata satırdı. Onun telefonlara melodiya yazmaq üçün mağazaya qoyduğu kompüter mənim ilk musiqi alətim idi...

Qarğış

2009-11-10T23:53:00.008+04:00

Mənim fikirimcə bu həyatda enerji daşımayan heç nə yoxdur! Hər bir şey hətta cansız adlandırdığımız şeylər də özündə müəyyən enerji daşıyır. Məsələn hədiyyə olunmuş köynək. Əgər bu köynək sənə sevmədiyin adam tərəfindən hədiyyə olunubsa ən axırıncı variant olsa belə onu əyninə geyinməyin gəlmir. Yox əgər sevdiyin adam tərəfindən verilmiş bir köynəkdirsə onda bir müddətdən sonra vaxtından əvvəl köhnəldiyinə görə onunçün heyfislənirsən. Çünki daşıdığı enerji səni ancaq onu geyinməyə sövq edir. Və o da bu halda daha tez köhnəlir.

İndi fikirləşin görün bir cansız köynək bu qədər enerji daşıyırsa, sözlər nə qədərenerji daşıyır?!
Uşaqlıqda adət etdiyimiz bir kəlimə var idi. Kimsə nəsə səhv bir hərəkət edəndə biz onu "anana ya da atana deyəcəm" ilə qorxudardıq. çünki özümüz də bundan qorxardıq. Əksər hallarda isə bu qorxutmanın sonu qorxudulanın ağlaması və yalvarışları ilə bitərdi. Deməli, sözlər ağladır!
Biraz boyüdükdən sonra məktəbdə, universitetdə, işdə və ya ailədə sözlər başqa funksiyalarını bizə təqdim edirdi. Biz sözlərlə güldürür, sevindirir, yalan danışır, ürək sındırır və daha nələrsə edə bilirdik. Bütün bunlarla yanaşı sözun bir funksiyasi da var ki, o da bir çox vaxtlarda dilimizin bilərək və ya bilməyərək qonağı olur. Bu qarğışlardır. Biz özümüzü dünya işlərinə o qədər xərcləyirik ki, həqiqi dəyəri olan çox şeyi gözdən qaçırırıq. Məsələn yaddan çıxarırıq ki, ağzımızdan çıxan hər bir kəlmə üçün hesab verməli olacayıq. Çünki işlətdiyimiz hər bir kəlmə etdiyimiz dua kimidir. Kiməsə zarafata dediyimiz söz belə özündə xüsusi bir enerji daşıdığı üçün, etdiyimiz şəxsi yaralaya bilər. Məgər bu kiçik qarğış deyilmi. Və ya ötəri gördüyümüz nəyinsə haqqında söylədiyimiz ani söz yalnış olanda qarğışa bərabər deyilmi?! Axı bunları etməmək üçün bizdən elə də böyük bir şey tələb olunmur! Sadəcə və sadəcə kiçicik diqqət. O ki, qaldı bizim haqqında bildiyimiz normal qarğışlara onların haqqında danışmağa məncə heç ehtiyac da yoxdur! Sadəcə bir şeyi demək istəyirəm, daha doğrusu yadınıza salmaq istəyirəm: enerji itmir - bir haldan başqa hala keçir. Bu isə o deməkdir ki, dövr edərək geri dönür. Burdan isə belə çıxır ki, işlətdiyimiz hər bir kəlmə - qarğış bir formada gəlib özümüzü tapacaq. Odur ki, Allah bizi özümüzdən qorusun!

xüsusilə Qızlar üçün

2009-11-09T00:52:00.006+04:00

Salam Əziz Oxucum! Bu iki yazıda artıq sizə yaman bağlanmışam. Hər gələn şərhi(comment) uşaq kimi sevinə-sevinə oxuyuram. Əvvəlcədən onu deyim ki şərh yazdıqdan sonra onun bir başa görünmədiyindən narahat olmayın. Sizin yazdığınız şərhlər əvvəlcə mənim mailimə gəlir. Söyüş və təhqir yoxdursa mən onları təsdiqləyirəm və ondan sonra görünür. Narahat olmayın hər cür tənqidə açığam.

İndi isə keçim mövzuya...

Qızlar Allahın yer üzərinə bəxş etdiyi gözəlliklərin ən gözəlidir yəqinki. Və bunu dərk etməyənləri, istər oğlan olsun, istər qız başa düşə bilmirəm. Başa düşdüyüm bir şey var. O da kənardan sadə görünən şeylərin daxildən necə çətin olduğudur. Başına "sadə" sözünü qoymağa öyrəşdiyimiz qız-oğlan münasibətlərinin heç də göründüyü və arzulandığı kimi asan olmadığını bu münasibətləri yaşayanlar çox yaxşı bilir. sual yarana bilər ki,

niyə bu münasibətlərə "sevgi" demirəm "qız-oğlan münasibətləri" deyirəm. Çünki bu yazı xüsusilə qızlar üçün yazılıb və oğlanlardan fərqli olaraq qızlara ilk başda oğlanla münasibəti sadə münasibət kimi görünür. Və hətta beyninin hansısa hissəsindən sevdiyi fikri keçsə belə, bunu özünə də sübut eləmək məcburiyyətini duyur.

Yəni əksər hallarda oğlanları özündən çıxaran söz "Mənə biraz vaxt ver" sözünə ehtiyaclıdır bizim gözəllərimiz. Çox az hallarda onlar "sevirəm" sözünü işlədirlər.

Qızlar, nəzərə alın ki oğlanlar maşın kimidir. Sürücüyə və benzinə ehtiyaclı maşın kimi. Hansı maşının ki avtopilotu var və həmdə çətin də olsa istəyəndə dizellə işləyə bilir. Nə demək istədiyimi izah edim bilin ki, dediyim sürücü siz qızlarsınız. Benzin - sevdiyindən sevirəm sözünü eşitməkdir. Avtopilot - sevmədiyi qızla yaşamaq və ya həyatında biri olmadan yaşamaqdır. Dizel isə oğlanların məntiqidir. Ki bu məntiqlə onlar özlərinə yaşam gücünü başqa nələrdəsə kimlərdəsə tapırlar(Məsələn, təriflənməkdə, yaxşı iş sahibi olmaqda, dostlarda, ətrafda). Odur ki, əziz qızlar hadisələrin gedişatı və münasibətlərin taleyi əksər hallarda 65-80% sizdən asılıdır. Siz maşına benzin tökməmiş sürməyə cəhd etməyin. Sevin oğlanları. Mohkəm sevin! Bərk sevin! Çünki Onlar buna layiqdir, biz buna layiqik! Sevirəm sözünü dilinizə gətirməkdən qorxmayın! Çünki Biz də sizi sevirik!

SKİTLƏR

2009-11-06T19:48:00.005+04:00

Bu vaxtacan treklərimizin bir çoxunda skit sözünə rast gəlmisiz. Məlumat üçün vikipediyadan ətraflı oxuya bilərsiz ki, skit nədir. Tıkla və oxu! Mən isə sizə son albomumuzun treklərindən birində gedən skit barəsində danışmaq istəyirəm. Bu "Dövri İntihar" trekində gedən skitdir.

Xatırladım ki sizin bir nəfəsə dinlədiyiniz trekləri biz heç də bir nəfəsə araya-ərsəyə gətirmirik. bu barədə gələn yazılarımdan birində mütləq ətraflı danışacam. Bu mərhələrdən biri bəlkə də ən zövqlü və vaxt aparanı trekə uyğun skitin seçilməsi olur. bunun üçün bəzən bir neçə gün lazım olur ki, ya mövzuya uyğun kinolara baxırıq ya da kitabları səhifələyirik. və şükürlər olsun ki, sonda həmişə tapırıq.

"Dövri İntihar" trekində bu biraz fərqli oldu. İş yoldaşım Rəşad Kərimlinin təzə yazılarından birini oxuyurdum ki, Ofisdə "Rəşad, getdiy səsyazmaya" deyə bağırdım. Nəticədə isə siz albomda bu skiti Rəşadın öz səsi ilə eşitdiniz.

Bu yazını yazmaqda məqsədim isə Rəşadın yeni yazısını tezliklə oxuculara təqdim etməsini istəməyimdir.

onu da xatırladım ki, Rəşadın bundan əvvəl saytlarımızda və forumlarımızda "aptekçi qız" adlı yazısı yayımlanmışdı.

Şəkildəki oğlan Rəşad Kərimlidir.

Başlanğıc

2009-11-06T00:22:00.009+04:00

Salam əziz ... Nöqtələrin yerinə bir çox xitab təşkil edən şeylər yazmaq olardı. Amma nəzərə alsaq ki, bura mənim bloqumdur və buranın sahibi mənəm, ona görə buranı KİTAB bura girənləri isə istədiyim kimi - OXUCU adlandıra bilərəm.

Mənim kitabıma xoş gəlmisiz!

Neçə vaxtdır başlamaq istədiyim amma heç cür dizaynını və yazılarını bitirə bilmədiyim bu kitabı başlamaqda mənə həddsiz kömək edən Rocky və azya başda olmaqla bütün H.O.S.T team'ə öz minnətdarlığımı bildirirəm.

Bu gün barəsində isə onu deyim ki, skandallı günlərimdən daha biri idi. Hərdən mənə elə gəlir ölümlə burun burunayam. Yəqin, məni yaşadan sevginin azlığında bu hiss məni daha çox bürüyür.

Dinləyicilərimizdən birinin çəkdiyi portretimi isə ilk şəkil olaraq kitaba yerləşdirirəm.

BAŞLADIQ!!!